Shillong, Lber 28: Ka myntri ka koit ka khiah jong ka jylla ka kong Roshan Warjri kala ia kynduh ia u myntri ka koit ka khiah jong ka sorkar pdeng J.P Nanda ha nongbah Delhi, ha kane ka jingiakynduh kala kyrpad ia u myntri ka sorkar pdeng ba ka sorkar pdeng ka dei ban ai kloi noh ia ka jingmynjur ha kaba ia dei bad ka Megha Health Insurance Scheme (MHIS).
Ha kane ka jingiakynduh na ka liang jong u myntri ka sorkar pdeng u la ai ka jingkular ba un sa shim khia ia kane ka kam , ha kane ka jingiakynduh na ka liang jong ka kong Roshan kala kyntu ruh ia u myntri ka sorkar pdeng ba ai noh ia ka jaka sumar hapoh Civil Hospital Shillong bad Tura ia ka “Burn bad Trauma Centre” bad kum juh ban buh ia ka Amrit Pharmacy ha phyllaw jong kitei ki ar tylli ki hospital jong ka sorkar.
