Shillong, Jylliew 24: U bah PN Syiem MLA u ba dei ruh u MDC jong ka Mawsynram Mynta ka sngi ha ka dorbar jong ka KHADC u la wanrah ia ka mat jingiakren ha kaba ia dei bad ki Dorbar Hima, Durbar Raid , Dorbar shnong ba ki dei ban don ka jingiatrei bad ia jan bad ka Khasi Hiil Autonomous District Council.
Ka KHADC ka dei ruh ban don ia ka jingiatreilang bad sngewthuh jingmut lang ruh bad ka Dorbar jong ka Federation Of Khasi StateU bah pynshngian u la ai jingkut ruh ha kane ka por ba lada ka KHADC kam iatreilang bad poi sha ka jingbym ia sngewthuh jingmut lang bad kine baroh b ala kdew hangne ka lah ban poi ba ka sorkar Pdeng kan pynduh duh ia ka District Council.
U Khun u hajar jong ka Hima ne Raid u ioh ban iashim bynta lang bad ka Hima ha kapor ba long ka Dorbar ha ka Hima ym ba kin ym ioh ban shim bynta, bad ngin ai bynta ia ki khun ki hajar jong ka Hima haki wei pat ki rukom.
U bah syiem u la ong biang donkam ban buh noh ia ka ophis treikam jong ki Hima Khasi hapoh KHADC na ak bynta ban ia treilang bad u paidbah bad ban ioh ban ia ai jingmut lang.
U bah Ardent CEM ka KHADC haba jubab ia ka mat jingiakren bala wanrah da u bah PN syiem U la ong “Kane ka EC ba thymmai mynta kam mut satia ban pynduh noh ne ban pynkylla ia ka riti ka dustur kaba u long shwa u man shwa u la buh hynrei ban nang pynjanai ia ki”.
Ha kaba iadei bad ki jingjied syiem ha ki Hima bun la jied ia u syiem tang da kato katne ngut kumta la ai lad ia ki paidbah ba kin jied noh ia u syiem namar ka shynshar u khasi ka dei ka shynshar u paidbah la ong u bah Ardent.
Ka pyrthei shynshar ha u Khasi kala don lypa naduh ki por mynshwa ki Khasi ki ngeit ruh ba dei u Blei u ba la buh beit buh ryntih ia ka shynshar ka Khadar ha ki, ka bor baroh ka shon gha u paidbah bad ka shynshar u khasi ka iaid ryngkat ryngkat ruh bad ka niam,
Ym ka EC kaba la pynkylla ia ka riti ka dustur Hynrei dei ki briew kiba la pynkylla lada ia peit ha ki liang baroh ha ka kren ka khana, ka burom ka Akor, ka ktein ka thilliej, ka riam ka beit baroh la iohi ba ki la kylla lut ha ki khasi ka jingleh jong ka EC kam dei ka jingleh leh donbor ha ka liang ka shynshar ka khaddar ong u bah Ardent.(SP News)
