New Delhi, Kyllalyngkot 15: Haba la ioh ia ka jingtip na ki bor ha US shaphang ki kam jong katto katne ki kynhun kiba leh ia ki kam beain, ki kynhun pyntriem, ki nongkhaii drok bad kiwei kiwei kiba la ktah ia ka jingshngain jong ka India bad ka US, la wanrah ia ka high-powered Enquiry Committee da ka Sorkar India ha u Naiwieng 2023.
Kane ka Enquiry Committee ka la pynlong ia la ka jong ka jingtohkit bad ka la buddien ia ki jingai jingtip ba la ai da ka US. Ka la ioh ka jingiatreilang jong ki bor ha US bad kine ar liang ki la ialeit mar kylliang. Ka Committee ka la peit ruh ia ki ophisar na ki kynhun bapher bapher bad ki la peit ia ki kot ki sla kiba iadei bad kane ka kam.
Hadien ka jingtohkit kaba jrong, ka Committee ka la ai ia ka kaiphod jong ka sha ka Sorkar bad ka la ai jingmut ban shim ia ki sienjam katkum ka ain pyrshah uwei u briew, ba la lap ban don ki jingiadeimynshuwa bad ki kam beain katba dang pynlong ia ka jingtohkit. Ka Enquiry Committee ka la ai jingmut ban shim mardor ia ki sienjam katkum ka ain.
Ka Committee ka la ai jingmut ruh ban kyntiew ia ki rukom treikam bad ka jingsdang ia ki kam ban pynkhlain ia ka bor jong ka India ban ialeh pyrshah ia kine ki kam, pynthikna ka jingpeit ia ki kam bad ka jingiatreilang ban ialeh pyrshah ia kum kine ki kam.
