Shillong, Nailar 18: Ka tnad ka koit ka khiah jong ka sorkar jylla kala btah ba lada don jingthut ha ka ki khmat, kum ka jingsaw, jawum, daitbuid dei ban leit phah sumar ha ki jaka sumar khmat, ia kane la phah ruh sha baroh ki jaka pule bad ki skul ban pynbna.
Halor kane ka jingpyntip jong ka tnad ka koit ka khiah, ki skul kila wah ia kane ka jingpyntip ha ki jaka pynbna kiba ka skul ka juh buh ba ki kmie ki kpa jong ki khynnah ksul ki iohi ban tip kum ka jingiada.
Ha ka jingpyntip la kdew shai ba ki kmie ki kpa bad ki nongri nongsumar, lada ki iohi ha ki khun jong ki ia ka jingsaw ki khmat, ka jingjawum, daitbuid, kim lah ban peit pyrshah sha ka light, ialama ia ki mardor sha ki jaka sumar khmat.
Lada ki khynnah ki don ia kitei ki dak ki shin ai ba ki khynnah ki san ha iing haduh ba kin da koit na kane ka jingshitom, long kiba adakar namar kane ka jingpang ka lah ban ia bit.
