Shillong, Kyllalyngkot 07: Ki pulit jong ka jylla kila ioh ban kem ia u Bah Julius Dorphang na Guwahati ha ka 6 tarik mynta u bnai bad la wanrah ia u sha nongbah Shillong mynta ka sngi bad la rah ia u sha Laiumkhrah police station namar ka Case ka don ha kane ka police station.
Kane ka jingioh kem ia u Bah Julius u ba la shah kynnoh ba u la don kti ha ka jingleh beijot ia ka khynnah ba dang 14 snem ka dei da ka jingiatreilang hapdeng ki pulit jong ka nongbah Shillong bad ki pulit jong ka jylla Assam.
Ha dien ba laioh ban kem ia u ne u MLA u ba la pyrshang ban phet rih na ki bor jong ka ain la wanrah mynta ka sngi sha Shillong bad la rah ia u sha Laitumkhrah Police station katkum ka jingujor jong ka SCPCR bad bad ka rai jong ka iing bishar ban pynmih ia ka hukum Non-bailable Warrant.
Da kane ka jingioh kem jong ki pulit ia u bah Julius mynta ka sngi kin hap ban rah ia u hapoh iing bishar, da kane ka jingiaioh kem ia u mynta baroh kiba la shah kem kiba ia don kti ha kane ka kam khaii kynthei kala poi sha ka hynniew ngut.
