Shillong, Risaw 14: Ka jingialang jong ka Parliamentary Party jong ka seng Congress hapoh jong ka KHADC mynta ka miet kala jied ia u Bah Manstudy Nongrem ba un long u nongialam ba thymmai.
Haba kren ha u SP News Agency u Bah Manstudy, u la ong ba ha kane ka jingialang kaba la long mynta ka miet ha kaba la ia poi lang ki san ngut ki MDC kiba la hiar shuki mynta ka sngi lajied ia u ban long u nongialam jong ka seng Congress hapoh jong ka KHADC.
Ki san ngut ki MDC kiba la phah ia ka shithi iehnoh kam ka jong ki sha u CEM jong ka KHADC u Bah PN Syiem ki long u Bah Hedrian Lyngdoh u ba la jop n aka UDP bad u la leit ban pyniasoh bad ka seng Congress, u Bah Banteidor Lyngdoh u bah Antonio War, u Bah Albinus Lyngdoh bad u Bah Victor Rani.
Hynrei kiwei pat ki MDC kiba khlem pat hiar shu ki kiba dei na ka seng Congress kim shym la poi sha kane ka jingialang jong ka PP. U Bah Man u ba dang bat mynta kum u Chairman hapoh ka iing dorbar u la ong ba ia kaei ka long nangne sha khmat kin sa dang ia peit.
