Shillong, Naitung 08: Ki pulit haduh mynta ka sngi kila kem saw ngut ki briew kiba suba don kti ha jingthang ia ka kali pulit ha Laitumkhrah Police Station ha ka miet sngi Palei la iathuh u Superintendent ki pulit jong ka East Khasi Hills District.
Ha ka miet sngi Palei kala don ka jingiakynad hapdeng ki ar tylli ki kynhun ha surok Laitumkhrah bad na ka liang jong ki pulit kila ialam ia kine ki ar kynhun sha Police Station ban pynbeit hynrei kala mih ka jingia huri hura wat hapoh police station.
Katba ka jingiakren hapoh Police Station ka dang iaid kynsan kynsan ka kali pulit ba don ha phyllaw jong ka police station kala shah thang ha ki briew kiba ym lah ban ithuh, hynrei tang ha pdeng shi sngi ki pulit kila ong ba la sdang ban lap ksai ia kiba thang ia ka kali.
Ha dien ka jingtohkit ki pulit haduh mynta ka sngi kila kem san ngut ki briew kiba la suba ba ki don kti ha katei ka jingthang ia ka kali jong ki pulit, ka jignthoh kit jong ki pulit ia katei ka jingjia ka dang iaid sha khmat.
