Shillong, Nohprah 01: La lai snem khlem pat ioh jingiarap ka shnong Mawiong Jadap ba lynshop ka mariang, kiba hap hapoh jong ka Mairang Civil Sub-Division ha dien ba la shah pynjulor ha ka mariang ha ka 9 tarik bnai Jymmang 2013. Na ka liang jong ka seng kala pynrem jur ia kane ka jingleh jong ka sorkar bad kata ka jingleit jngoh jong ki heh sorkar ia ka jingshah pynjulor ha ka mariang kam don jingmut haba ym lah ban iarap, ong ka kyrwoh jong ka KHNAM.
Ha ka kyrwoh la batai ba, haka 9 tarik u bnai Jymmang 2013 ka jingjia ba sngewsih ha west khasi hill kala jia ha kaba Ka Eriong ka la wan lynshop bad pynjulor haduh 97 Tylli ki long iing long sem haka shnong Mawiong Jadap west Khasi hills, laid sngi Hadien kane ka jingjia ba U Deputy Commissioner Bad Ki Officer ka PHE, PWD bad kiwei kiwei ki la wan jngoh ia Kane ka jingjia hynrei kaba sngewsih ka long ba haduh mynta ym don kano kano ka Jingiarap naka liang ka Sorkar lane ka State Disaster Management Authority.
Naka liang jong ki long iing ki ba la shah ktah ha katei ka jing jia ki la dep ban phah da ka jingthoh sha u SDO Mairang Sub Division Office hynrei kaba kam don kano kano ka jingshim khia na ka bynta ki ba la ngat ha Kane ka apot. Ha ka jingthoh ba la phah sha u SDO mairang Sub Division office la pyntip ruh ia ka jingbym beit ka jingpoi ka jingiarap sha ki long iing ba dei hok ban ioh.
Ka sorkar India lymba ka shithi No.32-7/2011-NDM-I tarik 16 kyllalyngkot 2012 ka lay pynkylla iaka bhah ai jingiarap lymba ka state disaster response force bad ka national disaster response force kat kum ka jibgai jingmut jong ka thirteenth commission, hynrei ka long kaba lyngoh ba ka jingiarap kam poi hok sha ki long iing ki ba dei ban ioh ia ka jingiarap.
Ka seng ka pynrem jur ia ka jing bymlah jong ka SDMA ban pynbit pynbiang ia ki jingdonkam ha ka lynti kaba dei, haba jing ki jingjia ba sngewsih, ki ba ktah Kham bun lehse ia ki long iing ba duh ba jingjar na ki thain nongkyndong. Ka seng ka Dawa ba ka sorkar kadei ban shim khia ia Kane ka kam da kaba pynthikna ba baroh 97 tylli ki long iing ki ba la shah kthah ha ka eriong ka ba la jia ha ka Shnong Mawiong Jadap ha west Khasi hill ha ka 09 May 2013 kin ioh ia ka jingiarap noh mardor.
Ka jingwan jngoh jong ki heh sorkar haba jia ki jingjia ba sngewsih kam don jingmyntoi lada ia ka hok ban wan hap ap da ki snem. Kane ka dei ka jingban bein ia ki paidbah ki ba duk ba jynjar bad ka seng kan tih bniah ia kane ban lap ioh lehse ka don ka jing pyndon kam bakla ia ka pisa kaba dei ka bhah jong u duk u suk.
