Shillong, Risaw 28: U Chief Executive Member jong ka KHADC u Bah PN Syiem u la ong ba mynta ka sngi u la pdiang ia ka jinghiar shuki jong ki lai ngut ki EM na ka seng Congress bad la phah sha u Lat jong ka jylla ba un pdiang.
Haba ia dei bad ki EM ba thymmai ban thung ha kine ki shiki ba thylli u Bah PN Syiem u la ong ba kane ka dei ka kam jong u CEM ha kaba u lah ban thung iano iano ruh na pdeng ki para MDC kiba don ha ka PDF. Ia kane “ Ngan sa leh yn da u Lat ka jylla u la pynmih ia ka jingpynbna paidbah ba la pdiang ia ka jinghiar shuki jong ki lai ngut ki EM”.
Halor ka jinghiar shuki jong u Chairman u Bah Manstudy Nongrem bad u Bah Donevan Wanlang kum u Deputy Chairman, la ong ba u Secretary jong ka Legislative u la thoh sha ka DC(A) ban phah sha u Lat jong ka jylla ban kyrpad ban thungnoh ia u Pro-term Chairman bad ha ka juh kapor ka long ban kyrpad ban khot noh ia ka dorbar ba kyrpang ban jied ia u Chairman jong ka iing dorbar.
Haba ia dei bad ka jinghiar shuki jong u Chairman bad Deputy Chairman ha ka juh ka sngi, ka AD Rules 12(1) ka shah ba kin hiar shuki hynrei u Lat yn hap ban thung ia u pro-term chairman ban pyniaid ia ka iing dorbar ban jied ia u Chairman ba thymmai jong ka iing dorbar.
Ka jong kam jong u Bah Manstudy ba ” Nga dang dei u Congress ka jingleh pat ka jong ki ka long ba kila beh syndon ia nga na ka seng Congress”. ong u Bah PN Syiem.
