Shillong, Kyllalyngkot 14: U Bah PN Syiem Chief Executive member jong ka Khasi Hills Autonomous District Council (KHADC) u la phah ia ka kyrteng jong u Bah Latiplang Kharkongor MDC jong ka Nongthymmai bay n long u Executive Member hapoh ka Executive Committee kaba la ialam da u ma u.
Ki thymmei khubor kiba la lah ban ioh la ong ba ia kane ka kyrteng jong u bah Latiplang la phah ha ka sngi thohideng bad mynta kan dang leit sha u Lat jong ka jylla ban ioh ia ka jingmynjur ka jong u. Ki thymmei khubor ki iathuh ba na ka liang jong ka Department District Council Affair kan sa phah sha u Lat ka jylla ha ka sngi nyngkong.
Ki shuki EM kiba lait hapoh jong ka KHADC ki long lai tylli da ka jingweng noh jong ka seng congress na ka jingiatreilang bad ka People Democratic Front (PDF) . Ka shuki kaba lait ka long Deputy CEM, bad ar tylli ki shuki EM baroh ki long lai tylli.
Ha kine ki sngi haba kren ha u SP News Agency na ka liang jong u CEM u la pynthikna ban phah shuwa tang kawei ka kyrteng hynrei ym shym la iathuh pat ia ka kyrteng ia no yn phah ki thymmei khubor kiba la ioh mynta la ong b aka kyrteng kaba la phah ka dei ka jong u Bah Latiplang Kharkongor u MDC shimet.
