Shillong, Kyllalyngkot 14: Ka nongialam jong ka Congress Parliamentary Party (CPP) ka Sonia Gandhi kan plie ia ka ophis treikam kaba thymmai jong ka party ha nongbah Delhi la shai ka sngi, kane ka ophis trei kam ka don ha 9A, Kotla Road.
Ia ka lama jong ka party Congress kaba juh pynher ha ka jaka treikam jong ka party ha 24, Akbar Road kum ka ophis jong ka party kaba ha khlieh duh ka long mynta la sawphew snem lynter.
Kham mynshuwa u General Secretary jong ka party Congress ba dei ia ka jingpyniaid ia ka party u K C Venugopal la pyntip ba ka shongknor jong ka CPP kan plie paidbah ia ka ophis trei kam kaba thymmai jong ka party ha kaba u nongialam ka liang pyrshah u ka Lok Sabha u Rahul Gandhi bad President ka AICC Mallikarjun Kharge un ia don lang.
U President ka Meghalaya Pradesh Congress Committee u bah Vincent H Pala un ia don lang la shai ka sngi ha nongbah Delhi ha ka jingplie ia kane ka ophis trei kam kaba ha khlieh duh jong ka party ha nongbah Delhi.
