Shillong, Jylliew 24: Mynta ka sngi ka myntri ka koit ka khiah ka Dr. Ampareen Lyngdoh kala plie paidbah ia ka kor X.Ray hapoh jong ka Primary Health Centre kaba don ha Smit ha ka jingdon lang u Dr. Joram Beda commissioner bad Secretary ka tnad ka koit ka khiah bad ka Director ka Dr. F. V Kharshiing.
Haba kren ha kane ka jingialang ka Dr, Ampareen kala ong ba ka jingwan jong ka sha katei ka jaka kam dei tang ban plie ia kane ka kor X.Ray hynei ka wan ruh ban peit ia ka jingkwah ka dorbar shnong ban pynkiew ia kane ka jaka ai jingsumar na ka PHC sha CHC kumba la kyrpad da ka dorbar shnong.
Ka myntri ka la dong ba don kam ban don ka jingiajan ha pdeng ki nongkit kam shnong bad ki ophisar ban pynpoi sha ka thong bad kala ong ia ki ophisar ban peit ia ka jingpan jong ki rangbah shnong., kala ba ki don ban shakri ia ki paidbah bad khamtam ia kiba pang shitom.
Kala kyntu ia ki ophisar ba kin ia treilang bad ki dorbar shnong ban pynthikna ia ka jingiaid beit iaid ryntih kane ka PHC kaba don ha Smit.
