Shillong, Nailur 03: Ka jingiakhih jong ka seng All Meghalaya Programme Workers Association (AMMPWA) kala poi sha ka sngi kaba ar mynta ka sngi ha kaba ar ngut ki briew kila tlot sha ba palat bad la kit ia ki sha Civil Hospital Shillong ban sumar.
U Bah Allan Kharbani Genenral secretary jong ka seng u la iathuh ba haduh mynta la kit ar ngut ki dkhot jong ka seng sha Civil Hospital na ka daw jong ka jingtlot jong ki, kine ki ar ngut ki long u Basil Lyngdoh na Ri Bhoi District bad u Medrit Marak na East Garo Hills, Williamnagar.
La iathuh ba haduh mynta ka sngi na ka liang jong ka sorkar jylla lane na ka liang jong ki heh ka tand ka koit ka khiah kim pat leit ban ia kynduh ia ki, laong ba kane ka baroh ka dei ka jingle bym pataiw jong ka sorkar ban peit ia ka jingeh ka jong ki.
La ong ba kin dang iai beteng ia kane ka jingiakhih ka jong ki haduh la shai ka sngi bad lada ka sorkar kam leh ei ei halor kane ka jingdawa ka jong ki kin sdang syndon da ka jingshahthngan kaba khlem buh por shuh.
