Shillong, Naitung 13: Ka jingiakhih shah thangan kaba khlem buh por da ka seng A·chik Conscious Holistically Integrated Krima (ACHIK) mynta ka sngi kala poi sha ka sngi kaba lai mynta ka sngi Palei ban dawa na ka sorkar ban pynlong ia ka Tura kum ka nongbah baar ka jylla.
Kawei pat ka jingdawa ka long ba ka sorkar ka dei ban pyntrei kam ia ka policy ban thung kam ia ki Garo ha kito ki jaka kiba ki khlem pat lah ban pyndap na ka bhah thung kam jong ki, halor kine ki ar tylli ki mat ka seng ACHIK kala pynlong ia ka jingiakhih.
Ka Bernita R Marak kala iathuh ba haduh mynta ka sngi kim pat ioh kano kano ka jingai ktien na ka liang jong ka sorkar ha kaba ia dei bad kane ka jingiakhin da ka shah thngan kaba kila pynlong mynta la lai sngi, la ong ba kin dang bteng ia kane ka jingiakhih.
Kum ka seng kala leit kylleng ki jaka jong ka rilum Garo ban pynshai paidbah halor kitei ki ar tylli ki phang bad mynta kila pynlong sa kane ka jingiakhih da kaba shong shah thgnan kaba khlem buh por ha Tura.
