New Delhi, Nohprah 07: Ka sorkarpdeng ba ialam da u Myntri Rangbah Duh jong ka ri, u NarendraModi ka trei shitom ban pynbiang ia ka umkor ha man kithliew iing ha ki jaka nongkyndong jong ka ri.
Khnang ban pynstetia ka jingpyntreikam jong ka JalJeevan Mission ha ka jylla Meghalaya, ka sorkarpdeng ka la pyllait pisa haduh T. 169.60 klur na ka bynta ka jylla.
Ka sorkarpdeng ka lah dep mang haduh T 678.39 klur ia ka jylla na ka bynta u snem 2021-22 ban pyntreikam ia ka JalJeevan Mission kaba lah jan ia ka saw shah ba la mang ha u snem 2020-21.
Ki don haduh 5.90 lak ki iing ha ki jaka nongkyndong jong ka jylla bad 1.88 lakna kine ki dei kiba don ki umkor. Ha u snem 2021-22, ka jylla ka thmu ban pynbiang ia kaum kor ha 3.39 tylli ki iing ha ki jaka nongkyndong.
Ka sorkar pdeng ka ban jur halor ka JalJeevan Mission bad ia kane lah iohi lyngba ka jingmang tyngka kaba T. ₹92,309 klur ha u snem 2021-22, na ka T. 23,022 klur ha u snem ba la dep.
Shuh shuh, ha u snem 2021-22, lah ai T. 82 klur ia ka jylla Meghalaya kum ka grant hapoh ka 15thFinance Commission na ka bynta ki kam um bad ki kam pynkhuid jong ki bor shnong /ki PRI bad lah pynthikna ruh ban pynbiang haduh T. 426 klur ha kine ki 5 snem ban wan kaba mut haduh u 2025-26 na ka bynta kine ki bor shnong.
Ia ka JalJeevan Mission lah pyntreikam da kaba sdang na ki iing ha kaba ka imlang sahlang ka don ka bynta kaba khraw kabasdang na ka jingsaindursha ka jingpyntreikam bad na ka jingpyniaidsha ka jingpyntreikam bad ka jingkyrshan.
Na ka bynta kane, ka jylla ka leh katto katne ki kam kum ka jingpynkhlain ia ki Village Water and Sanitation Committee (VWSC) bad ka jingsaindur ia ka Village Action Plan ha ryngkat ka jingai jingbit ha ka Gram Sabha, ha kaba ki nongshongshnong ki iakren shaphang ki kam pynpoi um kaba ki donkam.
Kane ka prokram ka pynshlur ia ka jingiashim bynta ki longkmie ha kine ki jingiakren namar ba ki dei maki kiba tip bha ia ka jinglong bad ki jingdonkam jong ka iing.
Ka tnat ka khot ia ki Implementing Support Agency (ISA) ba kin ai jingtip sha ki briew shaphang kane ka mission bad ka jingdonkam ia ka um kaba khuid bad kaba shngain. Kine ki ISA ki iakren bad ki bor shnong bad ki ai jingiarap ia ki Panchayati Raj ban pyntreikam ia kane ka prokram.
Ha u snem 2021-22, ka Meghalaya ka thmu ban pyntbit ia kumba 11 hajar ki briew kiba don kti ha kane ka kam kaba kynthup ia ki ophisar, ki ISA, ki public health engineer, ki water bad sanitation komiti ha ki shnong, ki surveillance komiti bad ki dkhot jong ka Panchayat. Shuh shuh, kumba 9 hajar ngut ki briew jong ka jylla king ioh ia ka jinghikai hapoh ka skill training programme.
Ka jingpyntbit ia ki briew kan long na ka bynta ka jingtrei jongki kum ki misteri, ki nongshna um, ki nongpyndait, ki nongshna light bad ki nongpyniaid pump. Kane kan plié lad ban ioh kam ha ki shnong bad kan kyntiew ia ki lad kamaikajih ha kine ki shnong.
Ban pynthikna ia ka koit ka khiah, lah plié palat 2,000 tylli ki water quality testing laboratory ha ka ri khnang ba ki briew kin lah ban leit ai nongmuna ia ka um ba ki pyndonkam ha ka dor bad phah ban test ia kane ha ka dor ba duna. Ka Meghalaya ka don 31 tylli ki jaka test um.
Lah shim ia ki sienjam ban pynthikna ia ka jingdap ka umdih,ka um shet, ka um na ka bynta ka jingshet ia ki mid-day meal, ban sait kti bad ban pyndonkam ha ki painkhana ha ki skul bad ki anganwadi centre. Haduh mynta, 7,281 tylli ki skul (55%) bad 2,442 (53%) ki anganwadi centre ha Meghalaya ki la ioh ia ki kor um.
Ia ka JalJeevan Mission la pynbna da u Myntri Rangbah Duh jong ka ri, u NarendraModi ha ka 15 tarik u Nailar, 2019 khnang ban pynpoi um sha man ki iing ha ki jaka nongkyndong shuwa u snem 2024. Ia kane ka Mission la pyntreikam lyngba ka jingiatrei lang bad ki jylla.
Watla ki la don ki jingeh namar ka khlam COVID-19 bad ki jingpakhang dam, palat 5.38 klur (28%) ki iing ki la ioh ia ka um kor naduh ba la sdang ia kane ka mission. Haduh mynta, 8.62 klur (45%) ki iing ha ki jaka nongkyndong ki ioh ia ka um dih lyngba ki kor.
Ka Goa, Telangana, Andaman & Nicobar Islands, Dadra & Nagar Haveli and Daman & Diu, Puducherrybad Haryana ki lalong mynta ki jylla, UT ‘HarGharJal’ State, UT kaba mut ba baroh ki iing ha ki jaka nongkyndong ki la ioh ia ka um kor.Ka Meghalaya ka thmu ban long ka jylla ‘HarGharJal’ ha u snem 2022.
