Shillong, Jylliew 7: u Deputy Commissioner, jong ka East Khasi Hills District mynta ka sngi u la pynjari ia ka kyndon ain 144 CrPC, ha kaba la khang pyrshah ia ka jingialum briew kaba long palat ia ka san ngut ha ka shijaka, lane ban rah ia kino kino kit air jingpynmynsaw, kum ka petrol, ki dieng, ka Diesel lane kino kino ki tiar pynmynsaw bad ban khang lad ia ki briew kiba iaid sharum shaneng da ka jingisuba.
La pynjari ia kane namar ban a ka liang jong ka ophis kala ioh ia ka jingtip ba ki don katto kane ki kynhun kiba kwah ban pynmih ia ki jinghuri hura hapoh jong ka District, na ka liang jong ki bor ka district jan nym ailad bakum kine kiei kiei kin mih ban pynthud ia ki paidbah bad kham tam eh ia ka shong suk shong sain, kane ka hukum kan trei kam mardor naduh ka por 6 baje jan miet haduh ka por 5 baje mynstep.
U Deputy Commissioner u Bah P S Dkhar haba jubab ia ka jingkylli jong u SP News Agency la kane ka jingpynbna kan long tang hapoh ka nongbah Shillong ne ha baroh kawei ka District namar kam shai, u Deputy Commissioner u la ong ba kane kan long ha baroh kawei ka District jong ka East Khasi Hills District.
