Shillong, Naitung 24: Namar ka jingklumar kaba la mih hapoh ka sor Tura mynta ka sngi na ka jingshah kawang maw ki pulit ha ka por ba dang long jingialang u Myntri Rangbah ka jylla bad ki dkhot ki seng bahlang kiba iakhihda kaba shah thngan ha Tura ki bor jong ka District Administration kila pynjari ia ka korphiew ha sor Tura.
U Myntri Rangbah ka jylla u la pynbna ban iarap T.50,000/- tyngka marwei bad ia ka jinglut jingsep baroh ha kaba ia dei bad ka jingsumar yn bei da ka sorkar, na ka liang jong u myntri rangbah u la ong ba ka jingjia kaba long kaei kaei kaba sngewsih.
Ha kane ka jingialang kaba la long mynta ka sngi kila ia kren bad ki seng kiba la pynlong ia ka jingiakhih da ka jingshah thgan la bun bun sngi katba ka jingiakren ka dang iaid bad kila ia mynjur ban ia kynduh biang ha Shillong, namar kum kine dang don kamshibun ban ia mir jingmut.
Kine ki seng bhalang kiba ia don ha ka jingiakren kila sngewhun ia ka jingpynshai na ka sorkar bad kine ki seng kiba la ialam ia ka jingiakhih ki don lai kynhun bad bun na kiwei kim don bynta ha kane ka jingikhih shah thngan.
U myntri rangbah la ong ba wat la kim don bynta ha kata ka jingiakhuh hynrei u sngew dei ban ia kynduh ia ki, kaba ka jingiakren kala jan kut, la ioh sngew ba kala don ka jingiapyrta bad u wei na ki nongialam seng bhalang u la wan iathuh ba um ithuh ia kita ki briew kiba wan. Ha kane ka jingkulmar la donruh ka jingshah thang ki kali.
Ki briew kiba don ha ka jingiakhih la long kumba kila buaid bad na ka liang jong ki pulit kila dep ban ring dur bad kin sa pynlong ia ka jingthohkit bad ka ain kan nym shong kli kti bad kane ka jingleh jong ki briew briew kiba ym lah ban ithuh, ki pulit ki don ia ka ki video kiba la dep ban ring ki sa leh ia kaba don kam.
