Shillong, Nailar 11: Ka Khasi Students’ Union Sengkmie haka jingialam I Samla Lambokstar Marngar, Finance Secretary bad I Samla Kynpham Kharlyngdoh, Asst. Education bad I President ka Delhi Unit ka la hiar sha Dehradun haka 9 tarik Nailar, 2014 kala pyntiansmai iaki nongkitkam jongka Dehradun hadien ka jingpynskhem iaka Unit ha Delhi. Iaka Unit ha Dehradun kaba dei ka Nongbah ka jylla Uttarakhand la lam khmat da I Samla Eleaser Tedy langstang kum I President bad I Samla Meban Syiemlieh kum I General Secretary bad kiwei ki nongkitkam ryngkat ki dkhot haduh 100 ngut.
Iaka prokram la pyniaid da I Samla Kynpham Kharlyngdoh. Haka jingkren hadien ka jingpyntiansmai I Samala Lambokstar Marngar I la kyntu bad ai jingiaroh iaki samla pule ba kynmmaw ph wan hangne naka bynta ka jingpule hynrei phim dei pat ban klet iaka thymmei lajong, bad ban klet ban peit iaka jingdonkam ki para kynthei shynrang kiba wan pule hangne. Nalor kata ruh I la sneng la kraw iaki samla pule ba kynmaw ki kmie ki kpa ki phah iaphi ban wan hangne ban pule, te wat pynlehnohei namar ha kawei ka sngi phin sa long ki nongmuna iak ing, ka shnong ka thaw bad iaka Ri bad ka jaitbynriew. Wat wanrah iaka jingsngew pher thain, pher niam bad kumta terter haba phi trei naka bynta ki ka jaitbynriew bad naka bynta ki samla baroh. Kynmaw ruh ban long adkar iala ka jingim haba phi don jngain nala ing namar ki kmie ki kpa jongphi ki shaniah bha iaphi haduh ba kin da phah ban wan pule shane.
la pynkynmaw ruh ba kumno ka seng haki 36 tylli ki snem kala iaid haki jingialeh ban peit iaki jingdon kam ki samla pule bad kiwei kiwei. Ki nongialam ki leit ki wan hynrei ka nongrim ka seng ka neh haduh kane ka khyllipmat. I la kren ai mynseim ruh iaka Unit hangne ba ka jingthmu jongph hangne ka long beit tangban peit bad khmih iaka jingshngain ki para samla pule lajong.
Nalor kata ruh la ioh iaka jingkren khublei naki samla pule ba don hangne iaka KSU sengkmie baka la sngap iaka jingkyrpad jongki naka por shaka por ban buh iaka Unit hangne ha Dehradun. Bad la ioh jingkren ruh na I Samla Eleaser Tedy langstang iba la kren ba ngi don bok haduh kata kata kata baka Sengkmie kala sngap iaka jingkyrpad jongngi bad kyrpad bad kyntu iaki samla pule ban long kiba treilang ha baroh ki kam.
Ha kane ka jingthaw ia kane ka seng KSU, la jied ia u Bah Eleaser Tedy Langatang kum u president, Vice President Bah Lennin Challam, Genenral Secretary I Bah Meban Syiemlieh bad shibun kiwei ki nongkit kam jong kaseng ha ka tei ka jaka, kane ka seng KSU ka long kaba ar ah dien ka Nongbah Delhi.(SP News)
