Shillong, Risaw 24: Ka jinglehniam Durga Puja jong ki riew niam Hindu ha kane ka jylla Meghalaya kaba saw sngi lynter kala kut mynta ka sngi da ka jingpynngam ia ki dur mot ha ki jaka kiba la buh bad ha nongbah Shillong la pyngam ha Wahumkhrah.
Ha kine ki saw sngi na duh ka 21 tarik haduh mynta ka sngi la iohi ba ki riew ngeit Hindu kila ia pyndep ia ki jingleniam jong ki da ka jingriew blei bad kila leit ban jngoh ruh ia ki Pandal kiba don na kawei ka jaka sha kawei ka jaka da ka jingkmnen.
Ia kane ka jinglehniam la pynkut mynta ka sngi da ka jingpynngam ia ki dur mot ba kila pynngam katkum ki jaka kiba la buh da ki bor pyniaid jong ki District, ha kane ka nongbah Shillong ia ka jingpyngngam la leh ha Wahumkhrah hapeng ka jingpahara kaba khlain.
U General Secretary ka Central Puja Committee u JL Das la ong ba mynta u snem ka jingwan jong ki briew ka kham duna bad ka jingpyngam la sdang por 12.00 baje noh pohai sngi bad ynpynkut por 5.00 jan meit.
La iathuh ba baroh ki dur mot ki don 58 tylli, hynrei kin don ruh na ki BSF bad ki Air force kin wan ban pynngom ia ki dur mot namar ha Shillong la buh ban long tang ha kane ka jaka ban pynngam ia ki dur mot.
