Shillong, Naitung 26: Ka jawiaw Presbyterian higher secondary school mynta ka sngi ka 25 tarik u Naitung 2024 kala ioh ban pynkut noh ia ka jinglehkmen dap 100 snem jong ka skul.
Ha kane katei ka sngi la donlang u bah Metbah Lyngdoh MLA ka Mairang, u MLA ka jaiaw u bah Adelberth Nongrum, u Rev WC khongwir president managing committee, ki wei kiwei pat ki pastor ki nonghikai, ki khynnah school bad kiwei kiwei pat.
Ha ba ai jingkren ha kane ka jingialng na ka liang u bah Metbah Lyngdoh u la pynpaw ka jingsngewnguh Ia ka School ka ba la khot sngewbha ia u ba un long kum u kongsan ha kane sngi ha kane ka jingpynkut ia kane ka jingrakhe kaba la neh shisnem.
U la ong ruh ha u snem ba la dep ka dei ka sien kaba nyngkong ba nga rung ha kane ka phyllaw skul hadien ka jingïapher kaba kumba 48 ne 49 snem. Mynta ka sngi pat, nga rung ha kajuh ka jaka skul, hynrei ym na kajuh ka khyrdop kaba nga ju rung 50 snem mynshuwa.
U bah Metbah u la pynkynmaw ia ki por jinglong khynnah jong u, ha ka ba u dang long u khynnah jong kane ka school u la ioh ia ka admission ha ka klas kaba nyngkong bad ka nonghikai klas jong u ka jiaryngkhat ba ka kyrteng jong nga kmie na nga.
Ka dei kajuh ka kmie ha iing kaba la hikai ia u kumno ban iaid bad hikai. Ka dei kajuh ka kmie ha ka kamra klas kaba la hikai ia u kumno ban pule bad thoh.
Bad ka dei kajuh ka kmie hadien ba la dep skul, ha ka por mynsngi ne ha ka por janmiet, kaba la jia ryngkhat ba ka long ka nonghikai jong u ha kito ki sngi. U la ong ruh ba teng teng nga sngewsih ba ka kmie jong u ka long kum ka nonghikai ha skul bad kum ka kmie ha iing. U la ong ba mynta ka sngi nga donbok shibun bad u ba la kyrkhu ba u la ioh ia ka kmie bashisha jong u.
U bah Metbah ha kane ka sngi u la ai ruh 5 lak Tyngka kum ka jingai sngewbha sha ka School bad kum juhruh kum ka jingkynmaw ieid ia ka kmie jong u ka ba la khlad noh bad na ka liang ki hymen bad para jong u.
Ha kane ka sngi la sdang da ka jingdwai na u Tbn J S Cajee, la ioh ka jingkrenpdiang na u Rev WC khongwir la ioh ruh ka jingrwai kyrpang na ki nonghikai ka jawiaw Presbyterian higher secondary school bad na ki Khynnah jong kane ka school.
La ioh ruh ka jingpynkupburom ia ki khynnah ki ba wan shakhamat ha ki exam SSLC bad HSSLC bad ia ki headmaster bad ki headmistress jong kane ka school ki ba la shong thait bad la pynkut da ka jingkyrkhu pynwai na u Rev O P Pathaw.
