Shillong, Jylliew 26: Ka dorbar mang tyngka jong ka Khasi Hill Autonomous District Council ka la pass ia ka budget jong u snem 2014 haduh u snem 2015 ka la dep ban pass mynta ka sngi.
U bah PN Syiem U la kren ha kane ka por ha kaba ia dei bad ka budget jong ka law Adong bad ban nang shim khia ruh hakaba iadei ia k jingpynneh pynsah ia ka, u la ong ruh ba donkam ka jing ia sngewthuh jingmut ha ka hima.
U la ong ruh ka EC kaba rim ka la ia kren bad ka law department ba kan weng ia ki jingeh ha kaba ia dei bad non tribal, bad u la ai jingmut ruh ka EC kan nang pynkhlain Ia ki rukom trei kam jong ki shnong bad hima.
Ka EC kaba thymmai ha kaba iadei bad ka revenue kan kham pyrkhad ha kaba wanrah ia ka pisa ha ka Council.
U bah Manstudy Nongrem ha ka jingkren jong u u la ong “ nga ai ak jingiaroh ia u CEM “ha kaba u la lah ban pynioh ia ka Law Adong bad u la ong ruh ka donkam ban nang pynneh pynsah iaka bad dei ban sumar bha ym ban pynduh noh ia ka” hynrei lka don pat ka jingleh bakla na ka liang ka EC namar ba ka Hima mylliem hi baroh ka wei hynrei da tang ar bad lai ngut, bad la dei ban leh suki ia ia kane la dei ban ia kren bad ia tai sani bha.
Ha ka juh ka por u la ong haba peit ia ka budget ka biang hynrei ka revenue ka hiar lada ka revenue ka hiar ka long ka jingma ia council hi, kumta ka EC kan ialeh ban thaw lad ban kham pynkiew bad ban iada, u la ban biang ha kaba ia dei bad ki riti ki dustur ba dei ban pynneh ym ban pynkylla ban ban kham pynbun ia ka budget jong ka Art and culture khnang ban lah ban pynneh pynsah.
U bah Ardent haba pynshai ia kane u la ong kam don kano kano ka jingleh bakla halor ka Law Adong hynrei da ka jingia beit lang u syiem bad ki myntri bad kane ka jaka kam dei jong ka HIma Mylliem hynrei ka dei ka nong kynti ba la buh da u long shwa man shwa.
La leh kyrkieh ia kane ka lam namar kat kum ki jingdawa jong ka por namar bun ka jing die tuh ia ka tei ka jaka.
Ha kaba ia dei bad ka Khasi Heritage Village kaba don ha Mawphalng u la ong ia ka tie ka jaka la lam khmat da ka EC kaba rim kumta ngi kwah ban nang pynjanai shuh ia ka.(SP News)
