Shillong, Nailur 21: Ia ka jingpynshai paidbah ha kaba ia dei bad ka NPR Biometric Enrolment lane ia kaba la tip paidbah kum ka Aadhaar la pynlong ha H. Elias Higher Secondary School, Nongthymmai.
Ia kane ka jingpynshai paidbah la pynlong da ka ophis jong u Deputy Commissioner, East Khasi Hills District, ryngkat ka jingiatreilang bad ka ophis jong ka Directorate of Census Operation, Meghalaya, ha kaba la don lang ki dkhot jong ka Synjuk Ki Rangbah Shnong, Nongthymmai Pyllun, Seng Samla bad ki seng Longkmie na ki 13 tylli ki dorbar shnong kiba hap hapoh jong ka Nongthymmai pyllun.
Ki nongkren ha kane ka sngi ki long u Bah J. Swer, u ba dei u Statistical Investigator, ha kaba la pynshai sha ki paidbah kiba la wan ban ia shim bynta ha kaba ia dei bad ka NPR bad kumno la pynmih ia ka Aadhaar sha ki paidbah nongshong shnong jong ka jylla Meghalaya lyngba ka Biometric Enrolment hapoh jong ka NPR.
Ha kane ka jingpynshai paidbah la batai ruh ia ki jingmyntoi kiba lah ban ioh da kaba don ia kane ka Aadhaar , ha kane ka sngi la jubab ruh ia ki jingkylli kiba bun kaba ki nongwan ia shim bynta kim sngewtuh ha kaba ia dei bad ka NPR.
