Shillong, Jylliew 21: Mynta ka sngi ka jylla Meghalaya ryngkat ka Ri India baroh kawei kala pynlong ia k jingrakhe ia ka “International Yoga Day 2024” kaba shiphew ha Raj Bhavan Shillong ia kane jingrakhe la kam khmat da u Lat ka jylla u Phagu Chauhan, ka phang jong mynta u snem ka long “Kumo ka Yoga ka iarap ia lede bad ka koit ka khiah ha ka imlang sah lang”.
Ha kane ka sngi la ia shim bynta ruh da u Harish Chandra Chaudhary, IFS, Principal Secretary jong u Lat ka jylla, u Additional Director, NCC, NE region, Maj Gen. Gagan Deep bad 700 ngut ki khynnah NCC kiba la ia shim bynta.
Ia ka international Yoga Day kaba nyngkong la pynlong ha ka 21/Jylliew 2015 ha kaba ka United Nation jong ka General Assembly kala buh ia kaba la kyrshan da kiba bun bah ki ri jong ka pyrthei.
Ha kane ka sngi ia ka jingrakhe ia kane ka IDY 2024 la pynlong ruh da ki skul PM Shri ha Happy Valley ha kaba palat 1000 ngut kila ia shim bynta, ka BRIC-Institute of Bioresources and Sustainable Development (IBSD) kala pynlong ha 6 miles Upper Shillong.
Ka skul bah NEHU kala pynlong hapoh katei ka skul bah ha kaba da ki bun spah ngut kila ia shim bynta, Ki shipai BSF kiba la pynlong ha ophis jong ki ha Umpling bad ha ki jaka ba do ki BoP ha khappud bad ka Bangladesh.
