Shillong, Jylliew 20: Mynta ka sngi la rakhe ia ka “Ek Bharat Shreshtha Bharat” kaba la lam da ka sorkar pdeng bad kane ka long bad kane ka long ban wanrah ia ka jingsngewthuh jingmut ha pdeng ki para nongshong shnong da kaba leh burom ia ka sngi ioh jylla.
Ia Ia kane ka jingleh burom ia ka jingioh ka jylla ka West Bengal la rakhe mynta ka sngi ha Raj Bhavan Shillong, u Lat ka jylla u Phagu Chauhan la long kong san, ha kane ka sngi la don lang u Harish Chandra Chaudhary, IFS, Principal Secretary sha u Lat ka jylla.
Ka khubor kaba la phah da u Lat ka jylla West Bengal u C.V Ananda Bose ruh la pynipaidbah ha kane ka sngi, ha kane ka sngi la pyni ruh ia ka riti dustur jong ka ka jylla West Bengal la pyni paidbah.
Ha kane ka sngi la don ka jingpyninam ia ki shad tynrai la pynlong da ka North East Zone Cultural Centre (NEZCC), ka tnad pynneh pynsah riti dustur jong ka sorkar pdeng ba dei jong ka Eastern Zonal Cultural Centre (EZCC).
Ha kane ka sngi la pyni ia ka jingshad tynrai kaba la tip kum ka “Chhau” na West Bengal bad kane ka kynhun ka dei na bynta jong ka Purulia, kane ka kdew ia ka jingriew spah ka riti dustur bad ka shad tynrai jong ka tei ka jylla.
Ha kane ka sngi na ka liang jong u Lat ka jylla u la ai ia ki jingsah kynmaw sha kiba wan ban ia shim bynta, ha kane ka sngi la dang lang ki samla pule na ka jylla West Bengal bad na kane ka jylla Meghalaya.
