Shillong, August 04: ka Indian Panorama Film Festival kala sdang mynta ka sngi ha U Soso Tham Auditorium, Shillong, ia kaba la plie da u myntri rangbah ka jylla u Dr Mukul Sangma, kane ka dei ka sien kaba saw ba la pynlong ia kum kane ka tamasa ha kane ka nongbah Shillong.
Ia kane ka tamasa jong ki phlim la wanrah da ka Directorate of Film Festivals, Ministry of Information & Broadcasting, jong ka sorkar pdeng ryngkat ka jingiatreilang bad ka sorkar jylla lyngba ka tand Directorate of Information and Public Relations.
Ha ka jingkren jong u myntri rangbah u la pynpaw ia ka jingsngewnguh ia ka sorkar pdeng ka tand Ministry of Information & Broadcasting, jong ka sorkar pdeng kaba la ai jingkyrshan bad kane ka long ban pynshlur ia ki nongshna phlim jong kane ka thain ban pyni ia ki sap ki phong ki riti dustur ki jaid birew ha kane ka jylla. Kane ka long ruh ka lad ia ki nongpynmih phlim ba kin sngewthuh ia ki jingeh bad ba kin wad ki lad ki lynti kumno ban ia leh pyrshah ia ki.
U myntri rangbah ka jylla la ong ba kane ka jingpyni ia ki phlim ha kane ka tamsa kam dei ban long tang ka jingialeh kmen hynrei kan long ka lad ia ki ba bun ki samla ba kumno kin im na kane ka kam shna phlim.Ia kane ka tamsa la sdang ban pyni da ka phlim jong u Nitin Kakkar’s unreleased film, Ramsingh Charlie. Hakine ki lai sngi yn pyni khatlai tylli ki phlim. Ha kane ka sngi plie la don lang ruh u myntri ka tand Imformation bad public relation jong ka sorkar u Bah AL Hek, bad bun kiwei ki myntri.
