Shillong, Risaw 16: Ka sorkar kala shim ia ka rai mynta ka sngi ban shah noh ban plie ia ki iew kiba juh long shisien shataiew ha khappud Assam bad Bangladesh bad ia kane ka sorkar kan sa phah da ka jingthoh sha ki Deputy Commissioner jong baroh ki District, la ong u bah Prestone Tynsong symbut myntri rangbah ka jylla.
U bah Prestone u la ong ba ka sorkar kala shim ia kane ka rai ban shah ia kine ki iew ban plie noh ha dien ba la khang ia ki mynta la bun bnai naduh ba sdang kane ka COVID-19 bad mynta ka sngi ka sorkar kala shim ia ka rai ban shah noh ban plie ia kine ki iew.
Haba ia dei bad ka jingai jingbit ban plie noh ia kine ki iew ka sorkar kan pynmih ruh ia ki jingbthah lane kita ki kyndon bad ia kine ynsa leh lyngba ki Deputy Commissioner jong ki District.
Haba ia dei bad ki pata kyiad lane kita ki bar kiba la tip ha ka ktien nongwei la shah ia ki ba kin plie hadien ka puja kaba ka 26/10/2020 ha ka jylla baroh kawei ha ryngkat ki kyndon kiba ka sorkar kan sa buh.
