Shillong, Naiwieng 04: katba ka elelction shiteng samoi jong ka MDC kala dang jan, kan long ka jingioh mynsiem kaba khraw ia ka party BJP ha kaba ar ngut ki MDC kin rung sha kane ka party ha kaba yn sa pynrung ha ka party da u nongai ktien ka seng u Nalin S. Kohli, u ba dei ruh u general secretary ba dei peit ia ka jylla Meghalaya.
Ki thymmei khubor nap oh ka BJP ki iathuh b aka party kam pat kwah ban iathuh ia ka kyrteng jong ki MDC ki ban rung la shai ka sngi sha ka party ha khmat u General Secretary jong ka party ha ka jingialang kaban long la shai ka sngi ha Shillong ha ka por jan miet.
Kumba ka long mynta ka BJP ka la trei bor bah ban wan rah ia ka jingjop ia ki kyrtong jong ka party kaba kala pynieng ha baroh hynniew tylli ki constituency ha kane ka election shiteng samoi, ka seng kala pynieng ha baroh hynnriew tylli ki constituency hapoh jong ka KHADC bad kawei hapoh jong ka JHADC,
Da kane ka jingrung BJP jong ki MDC kan long ka jingioh bor ia kane ka party namar ka MDC election shiteng samoi kane kala ha khmat ha kaba yn long ha ka 13 tarik jong u bnai Nohprah mynta u snem. Na ka liang jong ka BJP ka don ka jingkyrmen ba kan poi beit sha ka jingjop ha kane ka kynti kaba mynta.
