Shillong, Risaw 19: Ka tnad sam um jong ka sorkar jylla kala pynpur ia ki pipe um ha kylleng ki bynta jong ka shnong Nongmynsong ha ki ki dong bapher bapher bad kane kala wanrah ia ka jingkhmih lynti ia ki nongshong shnong ban ioh ia ka um na ka tnad PHE.
Kaba pynlyngoh ia ki paidbah nongshong shnong ka Nongmynsong ha kawei na ki dong ka Umkdait ha kaba ka PHE kala dep ban pynpur iaki pipe um hynrei kaba pynlyngoh ka long ba khlem pyniasoh ia ki pipe um tang khyndait phut kaba sah.
Ia u pipe um ba na ka bynta ba shaneng ha ka lynti shnong la iohi ba ka PHE kala set noh iau bad teh bha katba ia u pipe um ba na sharum rong jyrngam pat khlem teh bad kine ki pipe um la slem kila ieh kumtei.
Kane ka jingieh jong ka PHE ban pyniasoh ia ar tylli ki pipe um kala buh ka jingkylli hato ka PHE kala bakla ha kaba pyniasoh ia ki pipe um ban thmu ban ai um ha katei ka dong Umkdait kane ka pynlongoh iaki paidbah.
