Shillong, Risaw 19: Da ki hajar ngut ki paid riew ngeit jong ka Balang Katholik mynta ka sngi kila leit ban pyndonburom khatduh ia u Phadar Cornelius Khyriem u bala khlad noh ha ka 17 tarikmynta u bnai. Ia ka jingleh niam leh rukom la pyndep hapoh iing mane bah shuwa ban rah sha lumjingtep jong ka balang kaba don ha Laitumkhrah.
Ia ka jingleh niam la pyndep da u Vicar General ka Shillong Diocese u PHadar John Madur ha ka jingiadon lang kiwei ruh ki lyngdoh. Ha dien ba la pyndep ia ka niam ka rukom, la rah noh ia ka met sha lum kyntang ka Balang Katholik ha Laitumkhrah da ka jinglehniam jong u Phadar John Madur .
U Phadar Cornelius Khyriem u dei u khun jong u Bah Jeronimus Thapa, bad ka kong Kong Libia Mary Khyriem, kiba la bam kwai ha dwau u blei, la kha ha ka 13 tarik Naiwieng 1946 ha Mawlai. Ha ka snem 1946, Bnai December 22 tarik ïohpdiang ïa ka Baptisma ba la pynbaptis da u Fr. Orestes Pavioti SDB. U la ïohpdiang ïa ka Jingpynskhem ha ka 7 tarik June 1959 da u Bishop Stephen Ferrando. La kyntang lyngdohha ka 1 tarik January 1977 ha Mawlai.
U la pynkhreh ban long riewniam jong u ha Minor Seminay St Paul’s Seminary, Upper Shillong ha u snem 1964-1969, pule philosophy ha Sacred Heart Seminay, Poonamalee naduh u snem 1969-1971. U la pyndep ïa ka Theology na Sacred Heart Seminary, Poonamalee naduh u snem 1073-1976.
Kum u lyngdoh u la shakri bad trei ha Sonapahar kum u Assistant Parish Priest naduh u snem 1977-
1978, ha Oriens Theological College – Bursar naduh u snem 1979-1981, ha Mawbri kum u Parish Priest
naduh u snem 1981-1983, ha Pynursla kum u Parish Priest naduh u snem 1984-1986, ha Mawsynram kum u Parish Priest naduh u snem 1986-1990. U la shimti kum u Parish Priest sa ha Parish Mawkhar naduh u snem 1991-1994. Ha Laban kum u Asssistant Parish Priest 1994-1996, ha Mairang kum u Parish Priest 1996-2001, ha Marbisu ruh u la trei kum u Parish Priest 2001-2010.
Ha St Paul’s Seminary u la long kum u Spriitual Director naduh u snem 2010-2016 bad ha Mawprem kum u Assistant Parish Priest ha u snem 2016. U Fr Cornelius Khyriem u dei uba la pyntbit bha ïalade ha ka kotniam bad u la pyndep ruh ïa ka M.A. ha ka Education. U nang bha ban kren ki jait ktien ba bun kum ka ktien Khasi, English, Garo, Nepali, Hindi bad Assamese.