Shillong, Naitung 24: Ka tnad ka koit ka khiah kala pyntip ba haduh ka por 10 baje mynstep mynta ka sngi la test COVID-19 positive sa 24 ngut ki briew ha ka jylla bad kiba shitom mynta ki long baroh 467 ngut.
Kiba la test positive haduh ka por 10 baje mynstep mynta ka sngi ki long 22 ngut ha East Khasi Hills District, na kine 9 ngut ki dei ki shipai BSF, na kiwei ki kynhun shipai ki long 5 ngut bad ki riew paidbah ki long 8 ngut.
Katba 2 ngut kiwei pat ki dei na East Jiantia Hills District, da kane ka jingshem positive ia kine ki ar ngut ka East Jaintia Hills mynta ka jingdon jong kiba shitom COVID-19 kala kiew sha ka 4 ngut.
Ka jingdon jong kiba shitom katkum ki District, ka East Khasi Hills District ki long 394 ngut, ki BSF 287 ngut, kiwei ki kynhun shipai ki long 19 ngut bad ki riew paidbah ki long 88 ngut.
Ka Ri Bhoi kala hiar sha 41 ngut, West Jaintia Hills ki long 5 ngut, West Garo Hills 15 ngut, South West Garo Hills 4 ngut, South garo Hills 2 ngut. East Garo Hills 1, bad ka North Garo Hills 1. Kiba la koit haduh mynta ki long 87 ngut.
Kiba la koit mynta ka sngi pat ki don 5 ngut, 3 ngut ki dei ki BSF na East Khasi Hills District, 1 na Ri Bhoi District bad 1 na East Jaintia Hills District. Kane ka long katkum ka jingpyntip na ka tnad ka koit ka khiah mynta ka sngi ha ka por 10.00 baje mynstep.
