Shillong, Lber 10: Mynta ka sngi ka tnad ka koit ka khiah kala pyntip ba kiba la test COVID-19 positive ki don 24 ngut, kiba la test bun eh dei na East Khasi Hills 8 ngut, West Khasi Hills 4, West Garo Hills 4, West Jaintia Hills 3, katba kiwei ki District kila test positive dei u wei u wei.
Kiba la ioh ruh ia ka jingkoit mynta ka sngi ki don 37 ngut, kiba la koit bun eh dei na East Khasi Hills 11, North Garo Hills 9, West Jaintia Hills 6, East Garo Hills 5, West Garo Hills 3, East Jaintia Hills 2, Ri Bhoi 1, kiba la koit baroh ki don 91950 ngut.
Ba khlad na kane ka jingpang mynta ka sngi don 1 bad ba khlad dei na South Garo Hills District, kiba la khlad baroh ki don 1587 ngut, kiba khlad bun eh dei na East Khasi Hills District kaba la kot sha ka 1073 ngut haduh mynta.
Kiba dang shitom baroh na kane ka jingpang ki long 112 ngut, kiba don ha ki jaka ai jingsumar ki don 19 ngut, ha East Khasi Hills 14 ngut, ha West Garo Hills 3, ha North Garo Hills 1, ha East Garo Hills 1.
