Shillong, Jymmang 25: U myntri rangbah ka jylla u Dr Mukul Sangma u la ong ba ka sorkar jylla kala thung ia u Additional Chief Secretary u Y Tsering na pdeng ki IAS ophisar kiba la slem ha ka jingshakri kum u Chief Secretary jong ka jylla ha ka jaka jong u KS Kropha.
U myntri rangbah ka jylla u Dr Mukul haba kren ha u SP News Agency u la iathuh ba u Chief secretary ba rim ka jylla u KS Kropha, ha dien ba ka iing bishar kala pynbna ia ka rai, u la pyntip sha ka sorkar jylla, kaba mut sha u myntri rangbah, ha kaba u la ong ban pynlait noh ia u na ka kam kaba u bat.
U myntri rangbah u la ong ba ha dien ba la mih kine ki jingjiana ka liang jong ka sorkar kala thung ia u Additional Chief Secretary u Y.Tsering kum u chief secretary jong ka sorkar jylla.