Shillong, Lber 06: Ka KHNAM State Youth Wing hadien ba la kut ka por ba la ai sha ka MeECL kata haka 20/02/17 ban ai noh ia ki shithi thung kam sha ki Jugali ba la mih kyrteng, haka 21 tarik ka seng ka la kynduh ia ki bor jong ka MeECL haka ba la kular ia ka seng ba ka jingai ia ki shithi thung kam ia kine ki samla Jugali yn leh noh shwa ka 03/03/17.
Ka seng ka iai ap ia kane ka sngi shwa ban shim ia kano kano ka rai. Bad kumba ka long mynta ka seng ka pynpaw ka jingsngew nguh ia ka tant MeECL kaba la bat ia ki juban lak daka ba pynlait noh ia ki shithi thung kam shah ki 290 ngut ki samla ki ba don ha ka phase 1 ha ka 03/03/17.
Kane ka la long ka jingkyrkhu ia ki ba bun ki samla bad ka la nang ai mynsiem ruh ia ki samla ki ba don kyrteng ha ka phase 2 bad phase 3. Ka seng ka ai khublei ia ka MeECL bad ka kyrpad bad kyntu ruh ban pynkloi ban pynlait noh ruh ia ki shithi thung kam sha ki samla ki ba don haka phase 2 bad phase 3, shwa ban kut u bnai June mynta u snem.
