Shillong, Rymphang 20: Ka seng Hynniewtrep Achick National Movement (HANM) mynta ka sngi kala pynlong ia ka jingiakhih jong ka da kaba shong kyllain mungor shi sngi ha jaka ieng kali jong ka Additional Secretariat ban dawa na ka sorkar ba ka dei ban pynbeit noh ia u pud u sam ba ka jylla Assam.
U Bah Lamphrang Kharbani president ka seng haba kren ha ki lad pathai khubor mynta ka sngi u la ong ba ka sorkar kala khot ban ia kren ia ka seng ha dien ka MDC ilekshon, na ka liang jong ka seng kan leit ban ia kren bad ka sorkar bad lada ka seng kam hun ia kaei kaba ka sorkar kan jubab halor u pud u sam yn ia khih paidbah.
U bah Kharbani haba jubab ia ki jingkylli u la kynnoh ba kane ka jingbym lah ban pynbeit ia u pud u sam dei na ka jingbym shim khia jong ki nongmih khmat paidbah kila shu ialehkai mynta la 47 tylli ki snem la kynnoh u tei u nongialam jong ka HANM, bad ha ki jingiakajia ha khappud la pynlong blangknia ia ki riew paidbah.
Na ka liang jong ka seng kan ai ka jingkyrshan ban ia pynbeit ia u pud u sam lada jia ba ki ar tylli ki sorkar, ka sorkar Assam bad Meghalaya ki ai ia ka rai sha ki paidbah sha kano ka jylla ki kwah ban don namar ka seng ka kwah ba ka jylla ka dei ban don noh ia u pud u sam ba biang ban im suk ki briew ha khappud bad ka jylla Assam.
Na ka liang jong ka seng lyngba ka shnat trei kam jong ka kaba ki jer kyrteng ka “Land Cell” kala pynkhreh ia ki kot ki sla kiba kan rah sha ka jingiakren bad ka sorkar ha dien kane ka MDC ilksehon bad lada ka sorkar kam lah ban ai ia ka jubab kaba hun ka seng kam iaid shkhmat ban ia da ia la u pud u sam.
U ne u nongialam ka HNAM u la pynkynmaw ia u myntri symbud rangbah ka jylla u bah Prestone Tynsong ba ka party NPP kan pynbeit noh ia u pud u sam bad ka jylla Assam lada ka wan ha ka bor, mynta ka party NPP kala ialam ia ka sorkar ka dei ban leh ia kaba kala kular ha ka por ilekshon.
Ha ka juh ka por u la pynkynmaw ba dei ha ka por jong long CEM jong u Bah Hopingstone Lyngdoh bam kwai ha dwar u blei ba u la ialeh ban iada ia u pud u sam naduh Ratachera sha duh ki thain Langpih, hynrei ia kane yms hym la don ba bud dien bad kan jingbym shim khia jong ka jylla Meghalaya kala ailad ia ka Assam ba kan dang wan ban kyntur pud ia kaba ka seng kan lah shuh ban shu sngap dei na kane ka daw ba ki sa khot ia kane ka jingiakhih shong kyllain mungot mynta ka sngi.
