Shillong, Nailur 22: U Myntri rangbah ka sorkar jylla u Dr Mukul Sangma mynta ka sngi u la iathuh ba ka kabinet kala pdiang ia ki kyndon ha kaba ia dei bad ka kam ban siew ia ka bai bylla shispah sngi ka kabinet kala pdiang ia ki rule jong ka sorkar pdeng ba lada pynslem palat ia ka 15 sngi ka sorkar ka hap ban siew ia ka sut kaba .05% sha ki nong bylla.
U myntri rangbah u la kren shai ba lada ka pisa ka slem ban wan na ka sorkar pdeng ia kane ka sut ym don kam ban siew hynrei lada ka sorkar pdeng kala phah ia ka pisa bad ka sorkar jylla ka pynslem lada ka block kala phah ia ka master roll palat ia ka 15 sngi ka sorkar jylla ka hap ban siew ia ka sut sha ki nongbylla.
Ban lait na kane ka jingshah siew sut ka sorkar kala buh ia ka song tyngka kaba kyrpang hapoh jong ka tnad pynroi nongkyndong T.35/- klur tyngka ba ka sorkar kan dang sei ia kane ka pisa ban siew sha ki nongtri bylla ha ka kam bylla shispah sngi ia kaba la tip kum ka NERGS. Kane ka dei ka skhim kaba la sdang da ka sorkar Congress.
La iathuh ba ha ka jylla baroh kawei ki briew kiba don ia ka job card lane ka kard bylla shispah sngi ha baroh ki shnong ha ka jylla ki don palat ia ka saw lak tam.
