Shillong, Risaw 23: Ka Khasi Hills Autonomous District Council (KHADC) kala dep ban tei ia ki iing ki sem ha lum Sohpet Bneng ba kan long kum ka jaka ban sumar bad ban thung ia ki dawai kynbat ha katei ka jaka jong ka District Council.
U bah Titosstarwell Chyne Chief Executive Member jong ka KHADC u la leit ban jurip ia kine ki jingtei jong ka KHADC ha u snem 2021 ryngkat ki nongai dawai khasi bad ha kane ka jingleit la shem ba la dep shna lut ia ki iing.
Ka jingduna kaba ka teika jaka ka don kam ka long, ka Um, ka light bad ki jingker kynroh saw dong kitei ki iing ki sem kiba la dep ban shna ha ka jinglut kaba la kot bun klur tyngka bad lada ka KHADC ka pynslem ban pyndep ka lah ban poi sha ka sep ei katei ka jingtei.
Katum ka jingpynkhreh jong ka KHADC ia katei ka jaka ka long ymtang ba kin don ki iing ba kan long kum ka jaka ai jingsumar bad ka jaka hikai ruh ha ka juh ka por hynrei kan thung ruhia ki dawai kynbat ha katei ka jaka.
Wat la kam pat don ka jingiasoi ia ka soskular ha pdeng ka KHADC bad MLCU, hynrei ka jingiakren kala don ba ka KHADC kan iati ia katei ka jaka ynda la dep ban shna pyndep sha ka MLCU ba kan pyniaid ia kane ka jaka namar ka KHADC kan nym don ia ki briew ban pyniaid.
