Shillong, Jymmang 08: U Martin M Danggo MLA jong ka Ranikor u la ai jingiarap sha ki long iing kiba la shah lynshop ha ka mariang da ki tin sop iing ha ki thain Maheskhola. Baroh ki long iing kiba la shah ktah ki long 500 tylli ha ki 14 tylli ki shnong.
Na ka liang jong u MLA u la ialeh katba lah ban pynioh ia ki tin sop iing sha kine ki long iing kiba la shah pynjulor ha ka mariang, namar bun na ki ing kiba la duh dei ka tnum iing namar ki tip sop iing kila peit na ka daw jong ka jinghap jong u phria baheh kat u phan.
Ka jingsam ia ki tip sop iing sha ki lano ka dang iaid bad haduh mynta ym pat lah ban ioh ia ka jingkhein kaba thikna katno tylli ki long ing kiba la ioh ia ki tin sop iing namar ka jingsam ka dang iaid bad ka jingshim jingkhein katno tylli kiba la shah rat ha ka eriong bad katno tylli kiba shah pynjop ha u phria.
Kaei kaba u BDO jong ka Ranikor u la ai jingkhien san pah tylli ka long tang kito ki shnong kiba la lah ban ioh jingkhein hynrei la ong ba ka jingpyntip ka dang wan bad haduh mynta ka jingjurip ia ki iing kiba la shah pynjot ha ka mariang ka dang iaid ban ioh ia ka jingkhein kaba bniah halor ka jingshah pynjulor ha ka mariang.
Ki shnong kiba la shah ktah ki long ka Maheshkhola, Thisokre, Kampilgre, Chinasogra, Jilagora bad kiwei kiwei. ki la hap ban mad ia ka jingsohsat na kane ka jingwan lynshop ki bor mariang ha kaba ki tin soping ki la pei lut bad shah rah lut ha ka lyer bad u phria u ba heh bad jur bha. Ha kane ka jingleit jngoh la ia synran lang ia u MLA da u Bah HS Diengdoh, ADC ka West Khasi Hills District bad kiwei kiwei. U MLA ha kane ka sngi u la noh synniang mar lai band ki tin sop ing sha ki long ing kiba la ngat ha ka jingshah pynjot ki bor mariang.
