Shillong, Jylliew 22: Ka Dawki CHC kaba dei kwei na ki jaka ai jingsumar jong ka sorkar kaba don kamtam ha ka jylla ia kaba la tip kum ka Strategic Point namar ka ia dei jaka kaba hap ban ai jingthoh ia ki briew kiba leit sha bar jong ka Ri India, hynrei ka sorkar kala leh bein ia kane ka jaka da kaba buh doctor tang u wei.
Kane ka CHC ka don ar tylli ki post Medical Officer, ka wei ka dei jong ka CHC Medical Officer , kane ka dei kaba peit ia ki nongpang kaba dei naduh ki jingai dawai polio bad ki jingjurip ia ki khynnah kane ka thain baroh kawei.
Kane jingiar jong kane ka CHC kala iar haduh katta katta ha kaba shiteng jong ka Ri war Mih ngi ki shnong ki hap hapoh jong kane ka CHC ban peit ban sumar ia ki paidbah. Kumba ka long mynta ki paidbah ki ai ka jingiaraoh ia u Dr S Khonglah u ba la ai ka jingshakri kaba biang ia ki paidbah wat hapdeng ki jingeh kiba bun.
Kawei pat ka kam kaba lait ha kane ka jaka ka dei ka kam Border Area Medical Officer, naduh ba la weng ia u Doctor ha u snem 2007 na kane ka jaka haduh mynta ka sorkar kam shym la buh bujli da u wei pat. Kane ka kam kala sah thylli haduh kine ki sngi.
Kam kaba dei ban leh ka long ban ai ka jingsumar ia ki paidbah kumba long lem kiwei ki doctor ban peit kyrpang ia ki briew ka thih ka thain bad ha ka juh ka por ka long ba ki briew kiba rung ba mih na kane ka jaka ban leit sha kiwei ki ri jong ka pyrthei ki hap ban ioh ia ka jingthoh na u Dr jong kane ka CHC.
Na ka liang jong ki paidbah ka tei ka thain kila kynthoh ba ka sorkar I mat ka pynbiang doctor tang ha kito ki jaka ba don ki miniter katba ia ki jaka bym don minister ka leh bym suidniew . ka Dawki CHC ka don kam sa u wei u Dr ha kane ka jaka lada ia kren katkum ki kyndon ka CHC ka dei ban don shuh ki doctor.(SP News)
