Shillong, Jymmang 25: Ka kong Alvarinea Nongsiej, ka nongialam ba la rangbah na ka liang jong ka Scout kala leit ban ia shim bynta ha ka 2nd World Education Congress kaba la long ha Kanderstag, Switzerland.
Ka phang pdeng ha kane ka jingialang ka long ba kila ia kren ba kumno ban buh lang ia ki samla ha kaba shna ia kino kino ki policy ha kaba ia dei bad ka kam scout ha kaba ia dei bad ka jingpynkhreh ia ka lynti iaid na ka bynta jong u snem 2023, bad kane kan kyntup ia ka hok jong ki khynnah, ka jingiadei ki samla bad ka jingkylla ha ka liang jong ka internet bad ka hok long briew man briew.
Ka kong Alvarinea ka dei tang ma ka kaba la mih khmat ia ka Ri India sha katei ka jingialang bah jong ka pyrthei kaba la long ha katei ka ri Switzerland, ha kane ka jingleit kala don ruh ka jingleit jngoh kum ia ka Zurich, Kanderstag bad ka Geneva kiba don ha ka Ri Switzerland, nalor jong kitei ki jaka kila leit ruh sha Paris hapoh France bad ka Milan ha Italy.
Ka kong Alvarinea kala kyntu ia ki kmie ki kpa ba kim ailad ia ki khun jong ki ba kin ia shim bynta ha ki kam Scout and Gudies kiba don ha ka jylla namar kane kan iarap ia ki khun ki kti ba kin roi ym tang ha ka jingmang jingstad hynrei ha kiba bun ki liang ha ka pyrkhat pyrdain.
