Shillong, Jylliew 02: U Dr.D.D.Lapang, President ka Meghalaya Pradesh Congress Committee bad u Nongaibuitbarangbahkasorkarjyllahynninkasngika 31st May, 2017 ha dien shisngi ba u wan phaina Nongbah Delhi u la leit ban jngoh iaki katto katne tylliki long iing ha ka shnong Nongkya, RiBhoi District kiba la khlad noh hadien ka jingshitom na ka jingktah ka jingbam ha ka sngi u Blei ba la lah ha ka jingiaseng jong ka Balang U Blei ha Nongkya.
Ha kane ka sngi ia u Dr.Lapang la synranlang da u Bah Charles Marngar u ba long u Secretary ka MPCC bad u ba long ruh u Adviser ka Mawhati BCC ryngkat kiwei ki riew rangbah. U Bah Lapang haba u leit ban rung ha ki tei ki long iing u la ai ki kyntien pyntngen bad sngewlem naka bynta ka ne ka jingjia ryngkat bad ki jingdwai ba kyrpang na bynta jong ki ha ryngkat ka jingiadonlang ki Tymmen basan bad katto katne ki long iing kiba la ia don lang ki Pastor na ki Balang Bapher bapher.
U Bah Lapang u la pynpaw ruh iaka jingsngew nguh iaki Ophisar sorkar na duh u DC, SP, DHMO, BDO bad kiwei kiwei kiba la ai ka jingiatreilang bad ka shnong ka Balang ban pynsted iaki lad jingsumar ha hospital bapher bapher kumjuh ruh ban pyndep ia ka met basah jong kiba la khlad noh hynninka sngi. U La ai khublei kyrpangruh iaka Health Minister ka Kong Roshan Warjri kaba la shim ia ka jingkitkhlieh ban bthah iaki Health Ophisar ban pynkloi iaka jingsumar ban pynbiang iaki Doctors ki Nurse bad ki nongiarap.
Khatduh Kum u President jongka Meghalaya Pradesh Congress Committee u la ong ban a ka liang ka MPCC baroh kawei kaphah ka jingsngewlem sha baroh ki long iing ba la duh noh iaki baieit bathoin bad ka MPCC ka buh jingdwai kyrpang na ka bynta kiba dang don ha pdeng ki jingsumar ba kin ioh noh ia ka jingkoit khamkloi.
