Shillong, Jymmang 05: U Deputy Commissioner, East Khasi Hills District, Shillong, u Bah P. S. Dkhar mynta ka sngi u la leit jngoh ia ka jaka ai jingsumar ha Bishnupur Urban Health Centre bad Mawlai Nongkwar Urban Health Centre , kum ka jingpynkhren ban sdang ia ka jingai jingsumar ia Mission Indradhanush (MI) ka ban sdang ha ka 8 tarik bad kan kut ha ka 15 tarik mynta u bnai.
Ha kane ka jingleit la synran lang ia u DC da u District Medical & Health Officer, East Khasi Hills, Shillong, u Dr. M. R. Basaiawmoit, District MCH Officer, Dr. J. B. Ranee, u nongai jingmut ha kaba ia dei bad ka koit ka khiah ha ki jaka sor u, Dr. M. Shadap bad District Programme Manager, NHM, East Khasi Hills, Shillong, u Bah W. Pamdhai.
Ha kane ka jingleit jngoh na ka liang jong u DC u la ia kren bad ki doctor, ki nurse ki ASHAs ha kaba ia dei bad kane ka jingpynkhreh na ka bynta ban ai jingsumar ia ki long kmie bad ki khynnah kaban sdang ha ka phratarik mynta u bnai ban peit la ka jingpynkhreh ka long kaba bit ba biang ne em.
