Shillong, Kyllalyngkot 30: U R K Sacheti Chairman jong ka Indian Olympic Association mynta ka sngi u la leit ban jngoh da lade ia ka jaka ba don ha Umsawli ban shna ia ka Stadium na ka bynta ban pynlong ia ka National Games 2022 ha kane ka jylla Meghalaya.
Ha ka jingleit jngoh ia kane ka jaka u la peit ia kane ka jaka bad na ka liang jong ki nongpyniaid kila iathuh ha khmat jong u tei u Chairman ba ha katei ka jaka kin don ki jaka ialehkai ha kaba ym lah ban pynialehkai haduh khyndai tylli ki jingialehkai, kita ki long kum ka jingiakop jngi, ki madan bad ki iing ialehkai.
Ha kane ka jingleit jngoh u la kylli ruh mano ba long trai ia kane ka jaka ha dien ba ka jingialehkai kala kut, ha kaba ia dei bad kane ka paw ba ka don ka jingiatehkular ha pdeng ka sorkar jylla bad ka sorkar pdeng kumno ban pyniaid ia ka kane ka dang don ha ka jingiapynbeit.
Ha dien ba la wan na katei ka jaka u la wan jngoh ruh ia ka JN Stadium ha Polo bad ha kane ka jaka u la pynlong ia ka jingialang bad ki briew jong ka Meghalaya Olympic Association bad ka jingiakynduh ia u myntri ta tnad ialehkai kan long ha ka por saw baje mynta ka sngi.
Ha kane ka jingleit jurip la synran lang u Bah John Kharshiing President ka MOA bad kiwei kiheh sorkar jong ka jylla kiba dei na ka tnad ialehkai.
