Jowai, Naitung 29: ka JAM Central Body hapoh ka jingialam u president ka seng bad ki para dkhot mynta ka sngi ki la leit jurip bad kynduh iaki nong pyniaid ki skul Govt Boys bad Girls halor ban thoh kit ia ki jingbym don principal ha ka higher secondary bad kumjuh ia ka jingbym don ka subject philosophy hakine ki skul.
Ki nong iaialam ka seng ki sngewba ka jingbym don ka subject philosophy ka pynjynjar ia ki khynnah pule kiban leit ban pule ha ka graduation namar kane ruh ka long ka subject kaba donkam bha ha baroh ki skul.
Ha ka jingia kynduh kaba mynta ia ki nongpyniaid, ki nongialam ka seng ki ia kren halor kane ka jingdonkam bad na ka liang ka principal kala kular ban phah ia kine ki jingdonkam sha sorkar khamtam sha u minister education prof R C Laloo ban peit bniah ia ka jingdonkam ki khynnah pule khnang ba kan long ka jingmyntoi iaki khynnah pule bad ia ka jaitbynriew.
Na ka liang ka seng ngin iai buddien katba lah bad trei bad ban bud dien ia ka jingdonkam jong ka education ia ka kyrwoh bala phah da u Publicity secretary ka seng u Bah Janailang Marbaniang
