Shillong Naiwieng 08: Ka BJP Meghalaya Unit kala pynkhamti ha u bah Jrop Sing Nongkhlaw ba un pynkhreh bad pynkhlain ia ka BJP Shella Mandal ha ka rukom kaba dei da kaba iatreilang bad katei ka Mandal kaba la don lypa na ka bynta u snem 2016-2019.
Katkum ka jingpynbna u District President ka East Khasi Hills District BJP Meghalaya u bah Babul Suting ha kaba ula pynpaw ba kum u nongialam un ai ka jingiatreilang bad u bah Jrop Sing Nongkhlaw.
Kum ban shu pynkynmaw u bah Jrop udei u Project Officer barim ka DRDA jong ka East Khasi Hills bad ula iakhun iaka elekshon MLA ha u 2013 na ka seng Congress hynrei ula liem noh namar ba ka don ka jingiashrut kaba shyrkhei hapdeng ki nongialam Congress ka thaiñ Shella.
U Bah Jrop ula pynpaw ba ka jingthmu ka jongu ban rung sha ka BJP kadei halor ka nongrim ba kane ka seng hapoh ka jingialam u Narendra Modi kala treikam bha ha baroh ki jylla.
Une u rangbah ula mih na ka sneg Congress mynta la shi snem tam bad mynta un pynkhreh ban iakhun iaka elekshon MLA ha u 2018 na ka seng BJP napoh Shella Constituency bad kum u dkhot ka BJP un ialeh ban pynkhlain ia ka seng ha Shella khnang ba kan ioh mad iaka jingjop ha u 2018.
