Nongstoin, Jylliew 02: Ka Hynniewtrep People Social Organisation Rambrai Circle West Khasi Hills Distirct ka pynpaw ka jingpynrem kaba jur halor ka jinglehriewdum bad khlemakor jong ki katto katne ki briew ki bym lah ban ithuh ha ka miet jong ka 30 May 2014 ha ka por 10:30 PM ha kaba ki la leit pynjot ia ki jaka sah jong ki nongtrei ka PHC Rambrai da kaba kynjat ia ka jingkhang, pynpait ia ki iit bad pyntieng pynsmiej ia ki nongtrei kiba sah ha kane ka jaka ai jingsumar.
kane ka jingleh ka paw ba kim don ia ka mynsiem iatip lem parabriew. Lada kum kine kin jia kan wanrah shibun ia ki jingeh khamtam ia ki nongtrei ym dei tang ia ki nongtrei hynrei kan sa don ka por wat ia ki nongshongshnong ki kyllung khynnah bad Ka jingduhnong kaba khraw kumba long mynta ka dei ia ki paidbah jong ka thain bad na ka liang ka seng ka ai khublei kyrpang ia ki bor shnong jong ka shnong Nongkroh lem bad ki volunteers jong ka shnong ha kaba ki la shimkhia halor kane ka jingjia ba kan nym jia kaba sngewsih ia kine ki nongtrei hangne.
khatduh na ka liang ka seng ka kyntu ia ki bor ba halor jong ka health Department ba kin shimkhia ia kane ka jingjia kum ba kum kine kin nym jia biang hadien habud khamtam ia ki nongtrei hangne, pynkut ka kyrwoh na u R.Syiem Publicity Secretary jong katei ka seng Ka Hynniewtrep People Social Organisation Rambrai Circle.(SP News)
