Shillong, Naiwieng 08: U myntri ka tand shna surok jong ka jylla Meghalaya u Martin M Danggo mynta ka sngi u la kum ia ka jingialang jong ki heh sorkar na ka tnad PWD ha Resubelpara jong ka North Garo Hills ban leit jurip hi da lade ban lap ia ka jinglang jongman jong ki surok ha kane ka District.
Ka jingiakren kaba kham bun ka long ha kaba ia dei bad ki surok jong ka PMGSY bad ha kane ka jingialang na ka liang jong u myntri u la bthah ia ki heh sorkar jong ka PWD ba ki dei ban peit ba ki kam ki dei ban iaid kumba la dep bai sha ki kontak tor ba kin trei.
Ha kane ka jingialang na ka liang jong ki ophisar ruh kila pynpaw ia la ki jong ki jingeh kaba ki ia kynduh ha kaba pyntrei ia ki skhim jong ka PWD ban shna ia ki surok ban pynpoi sha ki shnong bapher bapher kiba hap hapoh jong ka tei ka District.
Kane ka jingleit jong u myntri ban pynlong ia kane ka jingialang ka long ban peit haduh katno ka jingtrei kam jong ki ophisar kiba don ha katei ka District kila lah ban leh ia ki kam kiba la dep khot tender da ka PWD bad katno kiba dang sah kiba la dep ban pyndep noh.
