Shillong, Jymmang 06: Da ka jingthmu kumno ban ai jinghikai ia ki paidbah nong shong shnong ka Shnong Syntung kaba hap hapoh jong ka East KHasi Hills District, halor ki kam jngohkai pyrthei ka shnat pule “Department of Tourism and Travel Management, Martin Luther Christian University” kala pynlong ia ka hikai halor kane ka phang hapoh ka shnong Syntung.
Ia kane ka jinghikai la pynlong da ka NSS jong ka MLCU da ka jingiatrei lang bad ki samla pule kane ka skul bah, ban sngewthuh kumno ban iada ia ki jaka jngohkai pyrthei bad ha ka juh ka por ba kan long kum ka lad ioh kamai ban kyntiew ia ka ioh ka kot ia ka pateng kaba mynta bad ki ban sa wan.
Ha kane ka jinghikai na ka liang jong ki samla pule kila ban jur ban khriang ia ki nongwan jngohkai pyrthei ym tang napoh jong ka Ri la jong bad khamtam eh ia ki briew kiba na bar jong ka Ri don kam ia ka jingpyndon kam ki juk stad kiba mynta kum ka Internet. La kyntu ia ki paidbah ban pynneh pynsah ia ka jingkhuid jingsuba bad ha ka juh ka por ban pynneh ia la ka jong ka tynrai.
Ha kane ka sngi la pynlong ruhia ka jingshad jong ka jylla Arunachal bad kum juh ka shad Khasi da ki samla pule kane ka skul bah MLCU. U Bah Phit Mukhim rangbah shnong u la ong ba kane ka jinghikai kan long ka jingmyntoi ia ki paidbah ha ka liang ka ioh ka kot bad ha dien jong kane la ia leit ban jngoh ia ka kshaid Rashi Falls.
