Jowai, Jylliew 28: Ka Jaintia Students’ Union (JSU) lyngba ka RTI kala lap ba ka NEHU kala lehklet iaka Jowai Compus kaba dei ban shna noh ha ka Shnong Wahiajer west Jaintia Hills.
Katkum ba paw haka RTI ka pyni ba iaka jaka kaba la ai Sngewbha daka shnong wahiajer naka bynta ban tei ia kane ka Compus ladep ban leh survay bad ha ka juh ka por la dep ruh ban buh iaki mawpud ha ka jinglut kaba T.7,12,694/-
Shuh shuh lyngba ka RTI la lap ba naka pisa baroh kaba la Sanction daka UGC lyngba ka XII th Plan naka bynta ban tei iaka Jowai Compus, ka UGC kala dep ban pyllait ne buh haduh 600.00 lak ban sdang noh shisyndon iaka Jingpule hapoh kane ka Jowai Compus ryngkat bad ki tiar ki tar kiba donkam .
Hynrei kaba sngewsih ka long ba haduh mynta, na ka liang ka North Eastern Hill University (NEHU) kam pat lah satia ban sdang ban shna lane ban plie iaki kyrdan pule hapoh kane ka Jowai Compus kumba la mang daka UGC. kumta na ka liang ka JSU ka dawa naka NEHU ba dei ban sdang noh shisyndon ia kane ka Jowai Cumpus namar ka Union hi kam kwah shuh ban iohi iaka jingynran dien ka NEHU kumba la dep jia hapoh ka Shnong Moodymmai ha ki snem kiba la dep.
ka JSU kala rai ruh ba lada ka NEHU kam lah ban sdang iaka Jowai Cumpus ha kine ki khyndiat por ban wan ka union kan thoh bad pyntip ia kane ka jingleh klet iaka Jowai Compus sha ka Sorkar Kmie kumjuh sha ka Ministry of Human Resource Development jongka Sorkar India.
