Jowai, Nailur 01: Ka seng Borghat-Jaliakhola Aquatic Life Welfare Association (BJALWA), kawei na ki seng na Ri-lum Jaintia kaba peit bad iada ia ki dohkha dohpnat kumjuh ruh ban pynneh pynsah ia ki, ha ka kyrwoh ba la phah da u bah Dawlupaia Khyriem Publicity Secretary ka seng,
U la ong ba ka seng ka la khang pyrshah ia kino kino ki riew paidbah ban berbih ne pynbthei bomb kumjuh ruh ban pyniap pathar ia ki dohkha dohpnat khamtam ia kito ki nongshong shnong kiba shnong harud ki wah kiba kynthup ia ka wah Tisang, wah Prang, wah Thwei Pyrkhung bad ki wah rit wah duid kiba don ha ki thain Kwator, Pasadwar, Kharkhana, Borghat, Jaliakhola bad kiwei de.
Ka seng ha ka kyrwoh ka la ong ruh ba lada lap ia kino kino ki briew kiba don kti ha kum katei ka kam ban pyniap pathar ia ki dohkha kiba don ha kitei ki wah, ka seng kan pynshitom katkum ka ain. Shuh shuh ka seng ka ong ba ha baroh shi lynter jong kitei ki wah la shah ia ki padibah tang ban khwai, pynkut ka kyrwoh na u Publicity Secretary ka seng u bah Dawlupaia Khyriem.
