Jowai, Naitung 08: U District Magistrate, West Jaintia Hills u la bthah sha baroh kito kiba lum pisa be-ain na ki Nongniah Truck kiba iaid sha Tamabil Land Custom Station ka National High Way-40 (E) hajan Khar Lamin bad shnong Sohkha kin sangeh noh shisyndon ban lum pisa ha surok khlem da ioh jingbit ne iohbor na ka Sorkar. Ki briew kiba leh ia kum kane ka kam (lum pisa be-ain) la dei ban sangeh shisyndon bad lada kim sangeh kin shah pynshitom bad kin hap hapoh ki kyndon Ain Section 383/384 IPC.
